ನವದೆಹಲಿ,ಜ.3-ಬ್ರಿಟನ್ ರೂಪಾಂ ತರಿ ಕೊರೊನಾ ವೈರಸ್ ತಳಿಯನ್ನು ಅಧ್ಯಯನ ನಡೆಸುವ ವಿಷಯದಲ್ಲಿ ಭಾರತ ಮಹತ್ತರ ಸಾಧನೆ ಮಾಡಿರುವ ಏಕೈಕ ರಾಷ್ಟ್ರ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.
ಐಸಿಎಂಆರ್ ಈ ಬಗ್ಗೆ ಟ್ವೀಟ್ ಮಾಡಿದ್ದು, ಬ್ರಿಟನ್ ರೂಪಾಂತರಿ ಕೊರೊನಾ ವೈರಸ್‍ನ ಅಧ್ಯಯನ, ನಿಯಂತ್ರಣಕ್ಕೆ ಸಹಕಾರಿ ಯಾಗುವ ನಿಟ್ಟಿನಲ್ಲಿ, ಬ್ರಿಟನ್‍ನಿಂದ ವಾಪಸ್ಸಾದವರಲ್ಲಿ ಪಡೆಯಲಾಗಿದ್ದ ಕ್ಲಿನಿಕಲ್ ಸ್ಪೆಸಿಮನ್‍ಗಳ ಮೂಲಕ ಹೊಸ ಮಾದರಿಯ ಕೊರೊನಾ ಜೀವ ಕೋಶ ಗಳನ್ನು ಪ್ರತ್ಯೇಕಿಸಿ ಸಂಸ್ಕರಣೆ (ಕಲ್ಚರ್) ಯನ್ನು ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ವೈರಾಲಜಿಯಲ್ಲಿ ಯಶಸ್ವಿಯಾಗಿ ಮಾಡಲಾಗಿದೆ ಎಂದು ಐಸಿಎಂಆರ್ ಟ್ವೀಟ್‍ನಲ್ಲಿ ಮಾಹಿತಿ ನೀಡಿದೆ.
ಭಾರತದಲ್ಲಿ ಕೋವಿಡ್-19 ಹರ ಡುವುದಕ್ಕೆ ಪ್ರಾರಂಭವಾದಾಗಿನಿಂದಲೂ ಕೋವಿಡ್ ಹರಡುವ Sಚಿಡಿs-ಅoಗಿ-2 ವೈರಾಣುವನ್ನು ದೇಶಾದ್ಯಂತ ಇರುವ ಐಸಿಎಂಆರ್ ಪ್ರಯೋಗಾಲಯಗಳಲ್ಲಿ ಟ್ರ್ಯಾಕ್ ಮಾಡಲಾಗುತ್ತಿತ್ತು. ಈಗ ಐಸಿ ಎಂಆರ್-ಎನ್‍ಐವಿ ವಿಜ್ಞಾನಿಗಳು ಬ್ರಿಟನ್ ಮಾದರಿಯ ವೈರಾಣುವನ್ನು ಸಂಸ್ಕ ರಣೆ (ಕಲ್ಚರ್)ಗೆ ಒಳಪಡಿಸುವುದಕ್ಕೆ ವೆರೋ ಸೆಲ್ ಲೈನ್‍ಗಳನ್ನು ಬಳಕೆ ಮಾಡಿದ್ದಾರೆ ಎಂದು ಐಸಿಎಂಆರ್ ಮಾಹಿತಿ ನೀಡಿದೆ. ಈವರೆಗೂ ಬೇರೆ ಯಾವುದೇ ದೇಶವೂ ಇದನ್ನು ಯಶಸ್ವಿಯಾಗಿ ನಿರ್ವಹಿಸಿಲ್ಲ. ಭಾರತದಲ್ಲಿ ಬ್ರಿಟನ್ ರೂಪಾಂತರಿ ವೈರಸ್ ಸೋಂಕು ತಗುಲಿರುವ 29 ಪ್ರಕರಣ ಗಳು ಈವರೆಗೂ ವರದಿಯಾಗಿವೆ.