ಮೈಸೂರು: ಮದವೇರಿದ್ದ ಗಂಡಾನೆಯೊಂದು ಸೆರೆಯಾದ ಬಳಿಕ ಮೃತಪಟ್ಟಿರುವ ಘಟನೆ ನಾಗರಹೊಳೆ ಕೊಲ್ಲಂಗೇರಿ ಅರಣ್ಯ ಪ್ರದೇಶದಲ್ಲಿ ವರದಿಯಾಗಿದೆ. ಮತ್ತಿಗೋಡು ಶಿಬಿರದಲ್ಲಿದ್ದ 23 ವರ್ಷದ ಲಕ್ಷ್ಮೀಶ ಎಂಬ ಆನೆ ಮಂಗಳವಾರ ಸಂಜೆ ಮೃತಪಟ್ಟಿದೆ. ಮದವೇರಿದ್ದ ಲಕ್ಷ್ಮೀಶ, ಆತಂಕ ಮೂಡಿಸಿದ್ದ. ಯಾವುದೇ ಕಾರಣಕ್ಕೂ ಜನವಸತಿ ಪ್ರದೇಶಕ್ಕೆ ಆನೆ ಹೋಗದಂತೆ ಎಚ್ಚರಿಕೆ ವಹಿಸಿದ್ದ ಅರಣ್ಯ ಇಲಾಖೆ ಅಧಿಕಾರಿಗಳು, ಬೇರೆ ಆನೆಗಳ ಸಹಾಯ ದಿಂದ ಸೆರೆ ಹಿಡಿಯಲು ಕಾರ್ಯಾಚರಣೆ ನಡೆಸಿದ್ದರು. ಕಡೆಗೂ ಲಕ್ಷ್ಮೀಶನನ್ನು ಸೆರೆಹಿಡಿದು, ಶಿಬಿರದತ್ತ ಕರೆತರುವ ಸಂದರ್ಭ ದಲ್ಲಿ ಇದ್ದಕ್ಕಿದ್ದಂತೆ ಕುಸಿದು ಮೃತಪಟ್ಟಿದೆ….