ಮೈಸೂರು: ಭಾರತ ಚಿತ್ರೋದ್ಯಮದಲ್ಲಿ ಹೆಗ್ಗುರುತಾಗಿದ್ದ ಮೈಸೂರಿನ ಪ್ರಿಮಿಯರ್ ಸ್ಟುಡಿಯೋ ಇದೀಗ ಇತಿಹಾಸ ಪುಟ ಸೇರಿದೆ. ವಿವಿಧ ಕಾರಣಗಳಿಂದ 2 ದಶಕಗಳ ಹಿಂದೆಯೇ ಸ್ಥಗಿತಗೊಂಡಿದ್ದ ಸ್ಟುಡಿಯೋ ಕಟ್ಟಡವನ್ನು ವರ್ಷದಿಂದ ಹಂತ ಹಂತವಾಗಿ ಕೆಡವಲಾಗಿದ್ದು, ಇದೀಗ ಸಂಪೂರ್ಣವಾಗಿ ಕಣ್ಮರೆಯಾಗಿದೆ. ಪಕ್ಕದಲ್ಲೇ ಇರುವ ಗ್ರೀನ್ ಹೋಟೆಲ್ (ಹಿಂದಿನ ಚಿತ್ತರಂಜನ್ ಮಹಲ್) ಸೇರಿದಂತೆ ಹಲವು ಕಟ್ಟಡಗಳನ್ನು ಯಥಾಸ್ಥಿತಿಯಲ್ಲಿ ಉಳಿಸಿಕೊಂಡು, ಸ್ಟುಡಿಯೋ ಭಾಗವನ್ನು ಮಾತ್ರ ನೆಲಸಮಗೊಳಿಸಲಾಗಿದೆ. ಮೈಸೂರಿನ ವಿನೋಬಾ ರಸ್ತೆ, ಜಯಲಕ್ಷ್ಮೀಪುರಂನಲ್ಲಿರುವ ಪ್ರಿಮಿಯರ್ ಸ್ಟುಡಿಯೋವನ್ನು ಎಂ.ಎನ್.ಬಸವರಾಜಯ್ಯ ಅವರು 1957ರಲ್ಲಿ ಸ್ಥಾಪಿಸಿದ್ದರು. ನಂತರ 1964ರ ಸುಮಾರಿನಲ್ಲಿ…