ನವದೆಹಲಿ,ಏ.22-ಕೋವಿಡ್-19 ತುರ್ತು ಪ್ರತಿಕ್ರಿಯೆ ಮತ್ತು ಆರೋಗ್ಯ ವ್ಯವಸ್ಥೆ ಸಿದ್ಧತೆಗಾಗಿ ಕೇಂದ್ರ ಸಂಪುಟ ಸಭೆ ಬುಧವಾರ 15 ಸಾವಿರ ಕೋಟಿ ರೂ.ಗಳ ಪ್ಯಾಕೇಜ್ ವಿನಿಯೋಗಕ್ಕೆ ಅನುಮೋದನೆ ನೀಡಿದೆ. ಇಂದು ಸುದ್ದಿಗೋಷ್ಠಿಯಲ್ಲಿ ವಿವರ ನೀಡಿದ ಕೇಂದ್ರ ವಾರ್ತಾ ಮತ್ತು ಪ್ರಸಾರ ಸಚಿವ ಪ್ರಕಾಶ್ ಜಾವಡೇಕರ್, ಮಂಜೂರಾಗಿರುವ ಹಣವನ್ನು ಮೂರು ಹಂತಗಳಲ್ಲಿ ಬಿಡುಗಡೆಗೊಳಿಸಲಾಗು ವುದು ಮತ್ತು ತ್ವರಿತ ಕೋವಿಡ್-19 ತುರ್ತು ಪ್ರತಿಕ್ರಿಯೆಗಾಗಿ, 7774 ಕೋಟಿ ರೂ. ವಿನಿಯೋಗಿಸಲಾಗುವುದು. ಉಳಿದ ಮೊತ್ತವನ್ನು ಒಂದರಿಂದ ನಾಲ್ಕು ವರ್ಷ ಗಳ ಅವಧಿಯ ಮಧ್ಯಮ ಅವಧಿಯ ಬೆಂಬಲಕ್ಕಾಗಿ ಮೀಸಲಿರಿಸಲಾಗುವುದಾಗಿ ತಿಳಿಸಿದ್ದಾರೆ.

ರೋಗ ನಿರ್ಣಯ ಮತ್ತು ಸಿಒವಿ 1 ಡಿ-ಮೀಸಲಾದ ಚಿಕಿತ್ಸಾ ಸೌಲಭ್ಯಗಳ ಅಭಿ ವೃದ್ಧಿ, ಸೋಂಕಿತ ರೋಗಿಗಳ ಚಿಕಿತ್ಸೆಗೆ ಅಗತ್ಯವಾದ ವೈದ್ಯಕೀಯ ಉಪಕರಣಗಳು ಮತ್ತು ಔಷಧಿಗಳ ಕೇಂದ್ರೀಕೃತ ಖರೀದಿ, ಬಲಪಡಿಸುವುದು ಮತ್ತು ಭವಿಷ್ಯದ ರೋಗ ತಡೆಗಟ್ಟುವಿಕೆ ಮತ್ತು ಸನ್ನದ್ಧತೆಯನ್ನು ಬೆಂಬ ಲಿಸಲು, ಸ್ಥಿತಿಸ್ಥಾಪಕ ರಾಷ್ಟ್ರೀಯ ಮತ್ತು ರಾಜ್ಯ ಆರೋಗ್ಯ ವ್ಯವಸ್ಥೆಗಳನ್ನು ನಿರ್ಮಿ ಸುವುದು ಈ ಪ್ಯಾಕೇಜ್‍ನ ಪ್ರಮುಖ ಉದ್ದೇಶ ಗಳಾಗಿವೆ. ಅಲ್ಲದೆ, ಪ್ರಯೋಗಾಲಯಗಳ ಸ್ಥಾಪನೆ ಮತ್ತು ಕಣ್ಗಾವಲು ಚಟುವಟಿಕೆ ಗಳನ್ನು ಉತ್ತೇಜಿಸುವುದು, ಜೈವಿಕ ಭದ್ರತಾ ಸಿದ್ಧತೆ, ಸಾಂಕ್ರಾಮಿಕ ಸಂಶೋಧನೆ ಮತ್ತು ಸಮುದಾಯಗಳನ್ನು ಪೂರ್ವಭಾವಿ ಯಾಗಿ ತೊಡಗಿಸಿಕೊಳ್ಳಲು ಮತ್ತು ಸಂವ ಹನ ಚಟುವಟಿಕೆಗಳನ್ನು ನಡೆಸಲು ಈ ಪ್ಯಾಕೇಜ್ ಸಹಾಯಕವಾಗಲಿದೆ ಎಂದರು.