ಮಡಿಕೇರಿ, ಜೂ.11- ಕೊಡಗು ಜಿಲ್ಲೆ ಯಲ್ಲಿ ಶುಕ್ರವಾರದಿಂದ ಭಾನುವಾರ ದವರೆಗೆ ಭಾರೀ ಮಳೆಯಾಗುವ ಸಾಧ್ಯತೆ ಇರುವ ಹಿನ್ನೆಲೆಯಲ್ಲಿ ಹವಾಮಾನ ಇಲಾಖೆ ಹಳದಿ ಮತ್ತು ಕಿತ್ತಳೆ ಎಚ್ಚರಿಕೆ ನೀಡಿದೆ.

ಕೊಡಗು ಜಿಲ್ಲೆಯಲ್ಲಿ ಶುಕ್ರವಾರದಿಂದ ಭಾನುವಾರದವರೆಗೆ ಐಎಂಡಿ ಮುನ್ಸೂ ಚನೆ ನೀಡಿದ್ದರಿಂದ ಹಳದಿ ಮತ್ತು ಕಿತ್ತಳೆ ಎಚ್ಚರಿಕೆ ಸದ್ದು ಮಾಡಿದೆ. ಹವಾಮಾನ ಇಲಾಖೆ ಮುನ್ಸೂಚನೆಯಂತೆ ಮುಂಗಾರು ಮಳೆ ಜಿಲ್ಲೆಯಲ್ಲಿ ಗುರುವಾರದಿಂದಲೇ ಸುರಿ ಯಲಾರಂಭಿಸಿದ್ದು, ಮುಂದಿನ 3 ದಿನ ಗಳಲ್ಲಿ ಭಾರೀ ಮಳೆಯಾಗುವ ಸಾಧ್ಯತೆ ಇದೆ. ಜೂ.12ರಂದು ಸುಮಾರು 64 ಮಿ.ಮೀ.ನಿಂದ 115 ಮಿ.ಮೀ., ಜೂನ್ 13 ರಂದು 115.6 ಮಿ.ಮೀ ನಿಂದ 204.4 ಮಿ.ಮೀ ಮಳೆಯಾಗಲಿದೆ ಎಂದು ಮುನ್ಸೂ ಚನೆ ನೀಡಲಾಗಿದ್ದು, ಜನರು ಹೊರಗೆ ಹೋಗದಂತೆ ಎಚ್ಚರಿಕೆ ನೀಡಲಾಗಿದೆ.

ಮುನ್ಸೂಚನೆಯ ನಂತರ, ಕೊಡಗು ಜಿಲ್ಲಾಡಳಿತ ಮರಳು ಮತ್ತು ಮರದ ದಿಮ್ಮಿ ಗಳನ್ನು ಸಾಗಿಸುವ ಭಾರೀ ವಾಹನಗಳ ಸಂಚಾರವನ್ನು ನಿಷೇಧಿಸಿದೆ. ಮಲ್ಟಿ-ಆಕ್ಸಲ್ ಟ್ರಕ್ ಮತ್ತು ಟ್ಯಾಂಕರ್‍ಗಳನ್ನು ಸಹ ನಿಷೇ ಧಿಸಲಾಗಿದೆ. ಭಾರೀ ವಾಹನಗಳ ನಿರಂತರ ಸಂಚಾರದಿಂದ ಭೂಕುಸಿತಗಳು ಸಂಭವಿಸಿ ರಸ್ತೆಗೆ ಹಾನಿಯಾಗಿದೆ ಎಂದು ಡಿಸಿ ಅನೀಸ್ ಕಣ್ಮಣಿ ಜಾಯ್ ತಿಳಿಸಿದ್ದಾರೆ.