ಭಾರತ ಮೂಲದ ಕಾರ್ತಿಕ್‍ಗೆ ಸ್ಪೆಲ್ಲಿಂಗ್ ಬೀ ಚಾಂಪಿಯನ್ ಪಟ್ಟ
ದೇಶ-ವಿದೇಶ

ಭಾರತ ಮೂಲದ ಕಾರ್ತಿಕ್‍ಗೆ ಸ್ಪೆಲ್ಲಿಂಗ್ ಬೀ ಚಾಂಪಿಯನ್ ಪಟ್ಟ

June 2, 2018

ವಾಷಿಂಗ್‍ಟನ್:  ಭಾರತೀಯ ಮೂಲದ ಅಮೆರಿಕನ್ ಬಾಲಕ ಕಾರ್ತಿಕ್ ನೆಮ್ಮನಿ (14) 2018ರ ಸ್ಕ್ರಿಪ್ಸ್ ನ್ಯಾಷನಲ್ ಸ್ಪೆಲ್ಲಿಂಗ್ ಬೀ ಚಾಂಪಿಯನ್ ಪಟ್ಟವನ್ನು ಅಲಂ ಕರಿಸಿದ್ದಾರೆ. ಕಯೋನಿಯಾ (Koinonia) ಎನ್ನುವ ಪದದ ಸ್ಪೆಲ್ಲಿಂಗ್ ನ್ನು ಸರಿಯಾಗಿ ಉಚ್ಛರಿಸುವ ಮೂಲಕ ಇವರು ಜಯ ಸಾಧಿಸಿದ್ದಾರೆ. 93 ವರ್ಷಗಳ ಇತಿಹಾಸದಲ್ಲಿ ಈ ಸಾಲಿನಲ್ಲಿ ಅತ್ಯಂತ ಕಠಿಣವಾದ ಸ್ಪರ್ಧೆ ಇತ್ತೆಂದು ಹೇಳಲಾಗಿದೆ. ಅಮೆರಿಕಾ ಟೆಕ್ಸಾಸ್ ರಾಜ್ಯ, ಮೆಕ್ ಕಿನ್ನೆ ನಗರದ ನಿವಾಸಿಯಾದ ಕಾರ್ತಿಕ್ ಒಟ್ಟು 515 ಸ್ಪರ್ಧಿಗಳನ್ನು ಹಿಂದಿಕ್ಕಿ ಪ್ರಶಸ್ತಿ ಜಯಿಸಿದ್ದಾರೆ. ಕಳೆದ ವರ್ಷ ಒಟ್ಟಾರೆ 291 ಸ್ಪರ್ಧಿಗಳನ್ನು ಕಂಡಿದ್ದ ಈ ಸ್ಪರ್ಧೆಯಲ್ಲಿ ಈ ಬಾರಿ ದುಪ್ಪಟ್ಟು ಸ್ಪರ್ಧಿಗಳು ಭಾಗವಹಿಸಿದ್ದರು. ಸ್ಪರ್ಧೆಯ ಅಂತಿಮ ಸುತ್ತಿನಲ್ಲಿ 16 ಸ್ಪರ್ಧಿಗಳಿದ್ದರು.

ಇದರಲ್ಲಿ 9 ಬಾಲಕಿಯರು, 7 ಬಾಲಕರಿದ್ದು, ಎಲ್ಲರೂ 11 ರಿಂದ 14 ವರ್ಷದವರಾಗಿದ್ದರು. ಅಂತಿಮವಾಗಿ ಕಾರ್ತಿಕ್ ಹಾಗೂ ಟೆಕ್ಸಾಸ್ ನ 12ರ ನಾಲಕಿ ನಯ್ಸಾ ಮೋದಿ ಉಳಿದುಕೊಂಡಿದ್ದರು. ಇದರಲ್ಲಿ ಕಾರ್ತಿಕ್ ಮೊದಲ ಬಾರಿಗೆ ಈ ಸ್ಪರ್ಧೆಯಲ್ಲಿ ಭಾಗವಹಿಸುತ್ತಿದ್ದರೆ ನಯ್ಸಾ ಇದು ನಾಲ್ಕನೇ ಬಾರಿಗೆ ಕಣದಲ್ಲಿದ್ದರು. ಕಾರ್ತಿಕ್ ಈ ಚಾಂಪಿಯನ್ ಶಿಪ್ ಜಯಿಸಿದ ದಕ್ಷಿಣ ಏಷ್ಯಾ ಮೂಲದವರಲ್ಲಿ 14ನೇಯವರಾಗಿ ಹೊರಹೊಮ್ಮಿದರು.

Translate »