ಆಗಸ್ಟ್‍ನಲ್ಲಿ ‘ಮಾನಸ ಸರೋವರ’ ಬಿಡುಗಡೆ
ಮೈಸೂರು

ಆಗಸ್ಟ್‍ನಲ್ಲಿ ‘ಮಾನಸ ಸರೋವರ’ ಬಿಡುಗಡೆ

June 9, 2018

ಮೈಸೂರು: ಪ್ರಣಮಾಲಯ ಪಿಚ್ಚರ್ಸ್ ಬ್ಯಾನರ್‍ನಡಿ ನಿರ್ಮಾಣವಾಗಿರುವ `ಮಾನಸ ಸರೋವರ’ ಸಿನಿಮಾ ಆಗಸ್ಟ್ ಮೊದಲ ವಾರದಲ್ಲಿ ಬಿಡುಗಡೆಯಾಗಲಿದೆ ಎಂದು ನಿರ್ಮಾಪಕ ಹಾಗೂ ನಿರ್ದೇಶಕ ಬಾಲಸುಬ್ರಹ್ಮಣ್ಯಂ ತಿಳಿಸಿದರು.

ಮೈಸೂರು ಜಿಲ್ಲಾ ಪತ್ರಕರ್ತರ ಭವನದಲ್ಲಿ ಶುಕ್ರವಾರ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, ಕೋಪ-ತಾಪದಿಂದ ಬದುಕಿನಲ್ಲಿ ಏನೆಲ್ಲ ದುಷ್ಪರಿಣಾಮ ಎದುರಿಸಬೇಕಾಗುತ್ತದೆ ಎಂಬುದು ಸಿನಿಮಾದ ಕಥಾಹಂದರವಾಗಿದೆ. ಇದರೊಂದಿಗೆ ನವಿರಾದ ಪ್ರೇಮ ಕತೆಯನ್ನು ಕೂಡ ಚಿತ್ರ ಹೊಂದಿದೆ ಎಂದರು.

ಚಿತ್ರದಲ್ಲಿ ವೆಂಕಟೇಶ್ ಪ್ರಸಾದ್ ನಾಯಕ ನಟರಾಗಿ ನಟಿಸುತ್ತಿದ್ದು, ರಕ್ಷಾ ಮತ್ತು ನೇತ್ರಾ ನಾಯಕಿಯರಾಗಿ ಅಭಿನಯಿಸಿದ್ದಾರೆ. ಕನ್ನಡ ಚಿತ್ರರಂಗದಲ್ಲಿ ಈ ಹಿಂದೆ `ಮಾನಸ ಸರೋವರ’ ಹೆಸರಿನ ಚಿತ್ರ ಬಂದಿದೆ. ಆದರೆ, ಆ ಚಿತ್ರಕ್ಕೂ ನಮ್ಮ ಸಿನಿಮಾಕ್ಕೂ ಯಾವುದೇ ಸಂಬಂಧವಿಲ್ಲ. ಚಿತ್ರದ ಕತೆಗೆ ಪೂರಕವಾಗಿ `ಮಾನಸ ಸರೋವರ’ ಶೀರ್ಷಿಕೆ ಸೂಕ್ತ ಎನ್ನಿಸಿದ ಹಿನ್ನೆಲೆಯಲ್ಲಿ ಅದೇ ಹೆಸರನ್ನು ಅಂತಿಮಗೊಳಿಸಲಾಗಿದೆ ಎಂದು ಹೇಳಿದರು. ಸಿನಿಮಾದ ನಾಯಕ ನಟ ವೆಂಕಟೇಶ್ ಪ್ರಸಾದ್, ಸಂಗೀತ ನಿರ್ದೇಶಕ ಹರಿಕಾವ್ಯ, ನಟ ಸುರೇಶ್ ಉದ್ಬೂರು ಮತ್ತಿತರರು ಗೋಷ್ಠಿಯಲ್ಲಿದ್ದರು.

Translate »