ಮೈಸೂರಲ್ಲಿ 686 ಮಂದಿಗೆ ಕೊರೊನಾ ಸೋಂಕು ದೃಢ
ಮೈಸೂರು

ಮೈಸೂರಲ್ಲಿ 686 ಮಂದಿಗೆ ಕೊರೊನಾ ಸೋಂಕು ದೃಢ

September 7, 2020

22 ಸಾವಿರ ಗಡಿ ದಾಟಿದ ಸೋಂಕಿತರ ಸಂಖ್ಯೆ

ರಾಜ್ಯದಲ್ಲಿ 9319 ಮಂದಿಗೆ ಜಾಡ್ಯ

ಮೈಸೂರು, ಸೆ.6(ಎಸ್‍ಬಿಡಿ)- ಮೈಸೂರು ಜಿಲ್ಲೆಯಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ 22 ಸಾವಿರ ಹಾಗೂ ಸಕ್ರಿಯ ಪ್ರಕರಣಗಳ ಸಂಖ್ಯೆ 7 ಸಾವಿರ ಗಡಿ ದಾಟಿದೆ. ಜಿಲ್ಲೆಯಲ್ಲಿ ಭಾನುವಾರ 686 ಜನರಿಗೆ ಸೋಂಕು ದೃಢಪಟ್ಟಿದ್ದು, ಇವರಲ್ಲಿ ಸೋಂಕಿತರು ಸಂಪರ್ಕಿ ತರು 396, ವಿಷಮ ಶೀತ ಜ್ವರ (ಐಎಲ್‍ಐ) ಇರು ವವರು 114, ಉಸಿರಾಟದ ಸಮಸ್ಯೆ (ಸಾರಿ) ಇರುವವರು 29, ಟ್ರಾವಲ್ ಹಿಸ್ಟರಿ ಇರುವವರು 147 ಮಂದಿ ಇದ್ದಾರೆ. ಇದರೊಂದಿಗೆ ಒಟ್ಟು ಸೋಂಕಿತರ ಸಂಖ್ಯೆ 22,080ಕ್ಕೆ ಏರಿಕೆಯಾಗಿದೆ. ಹಾಗೆಯೇ 435 ಮಂದಿ  ಗುಣಮುಖರಾಗಿ ಬಿಡುಗಡೆ ಆಗಿದ್ದು, ಈವರೆಗೆ ಒಟ್ಟು 14,499 ಮಂದಿ ಸೋಂಕು ಮುಕ್ತರಾದಂತಾಗಿದೆ. ಮತ್ತೆ ಐವರು ಸೇರಿದಂತೆ ಸಾವಿನ ಸಂಖ್ಯೆ 503ಕ್ಕೆ ಹೆಚ್ಚಿದೆ.

ಗುಣಮುಖರಾದವರು ಹಾಗೂ ಸಾವಿನ ಸಂಖ್ಯೆ ಹೊರತುಪಡಿಸಿ ಇನ್ನುಳಿದ 7,078 ಸಕ್ರಿಯ ಪ್ರಕರಣಗಳಲ್ಲಿ 5,228 ಸೋಂಕಿತರು ಮನೆಯಲ್ಲೇ ಪ್ರತ್ಯೇಕವಾಗಿದ್ದು (ಹೋಂ ಐಸೋಲೇಷನ್) ಶುಶ್ರೂಷೆ ಪಡೆಯುತ್ತಿದ್ದಾರೆ. ಇನ್ನು ಕೋವಿಡ್ ಆಸ್ಪತ್ರೆಯಲ್ಲಿ 293, ಹೆಲ್ತ್ ಕೇರ್ಸ್‍ಗಳಲ್ಲಿ 110, ಕೋವಿಡ್ ಕೇರ್ ಸೆಂಟರ್‍ಗಳಲ್ಲಿ 878, ಖಾಸಗಿ ಆಸ್ಪತ್ರೆಗಳಲ್ಲಿ 285 ಹಾಗೂ ಖಾಸಗಿ ಕೋವಿಡ್ ಕೇರ್ ಸೆಂಟರ್‍ಗಳಲ್ಲಿ 284 ಸೋಂಕಿತರು ದಾಖಲಾಗಿದ್ದಾರೆ.

ರಾಜ್ಯದ ವಿವರ: ಬೆಂಗಳೂರು ನಗರ 2,824, ಮೈಸೂರು 686, ಬೆಳಗಾವಿ 427, ಬಳ್ಳಾರಿ 396, ಶಿವಮೊಗ್ಗ 329, ದಕ್ಷಿಣಕನ್ನಡ 326, ಹಾಸನ 324, ಧಾರವಾಡ 311, ತುಮಕೂರು 304, ಹಾವೇರಿ 295, ಚಿತ್ರದುರ್ಗ 261, ಉತ್ತರಕನ್ನಡ 247, ಚಿಕ್ಕಮಗ ಳೂರು 239, ಮಂಡ್ಯ 230, ದಾವಣಗೆರೆ 221, ಉಡುಪಿ 217, ಕೊಪ್ಪಳ 198, ಗದಗ 194,  ರಾಯಚೂರು 187, ಬಾಗಲಕೋಟೆ 180, ಕಲಬುರಗಿ 165,  ಯಾದಗಿರಿ 139, ಕೋಲಾರ 119, ವಿಜಯಪುರ 96, ಬೆಂಗಳೂರು ಗ್ರಾಮಾಂತರ 93, ಬೀದರ್ 83, ಚಿಕ್ಕಬಳ್ಳಾಪುರ 81, ರಾಮನಗರ 68, ಚಾಮರಾಜನಗರ 41 ಹಾಗೂ ಕೊಡಗು ಜಿಲ್ಲೆಯಲ್ಲಿ 38 ಸೇರಿದಂತೆ ಭಾನುವಾರ ರಾಜ್ಯದಲ್ಲಿ 9,319 ಜನರಲ್ಲಿ ಸೋಂಕು ಪತ್ತೆಯಾಗಿದೆ.

ಇದರೊಂದಿಗೆ ಒಟ್ಟು ಸೋಂಕಿತರ ಸಂಖ್ಯೆ 4 ಲಕ್ಷ ಗಡಿ (3,98,551) ಸಮೀ ಪಿಸಿದೆ. ಭಾನುವಾರ 9,575 ಮಂದಿ ಡಿಸ್ಚಾರ್ಜ್ ಆಗಿದ್ದು, ಗುಣಮುಖರಾದವರ ಸಂಖ್ಯೆ 3 ಲಕ್ಷದ (2,92,873) ಸನಿಹದಲ್ಲಿದೆ. ಭಾನುವಾರ 95 ಸೋಂಕಿತರು ಮೃತಪಟ್ಟಿರುವುದಾಗಿ ವರದಿಯಾಗಿದ್ದು, ಒಟ್ಟು ಸಾವಿನ ಸಂಖ್ಯೆ 6,393ಕ್ಕೆ ಹೆಚ್ಚಿದೆ. ಇನ್ನು ಸೋಂಕು ಸಕ್ರಿಯವಾಗಿದ್ದು ಶುಶ್ರೂಷೆ ಪಡೆಯುತ್ತಿರುವವರ ಸಂಖ್ಯೆಯೂ ಲಕ್ಷ (99,266) ತಲುಪಿದೆ.

ಟೆಸ್ಟಿಂಗ್ ಸಂಖ್ಯೆ: ಮೈಸೂರು ಜಿಲ್ಲೆಯಲ್ಲಿ 2,628 ಸೇರಿದಂತೆ ರಾಜ್ಯದಲ್ಲಿ ಭಾನುವಾರ 74,384 ಜನರನ್ನು ಕೋವಿಡ್ ಪರೀಕ್ಷೆಗೆ ಒಳಪಡಿಸಲಾಗಿದ್ದು, ರಾಜ್ಯದಲ್ಲಿ ಈವರೆಗೆ ಒಟ್ಟು 33,48,255 ಟೆಸ್ಟಿಂಗ್ ನಡೆಸಲಾಗಿದೆ.

 

 

 

Translate »