ಅಭಿಷೇಕ್ ಅಂಬರೀಶ್ ಅಭಿನಯದ ನಿರ್ದೇಶಕ ಸೂರಿ ಆಕ್ಷನ್ ಕಟ್ ಹೇಳಿರುವ ಚಿತ್ರ “ಬ್ಯಾಡ್ ಮ್ಯಾನರ್ಸ್” ನ ಶೂಟಿಂಗ್ ಸೆಪ್ಟೆಂಬರ್ ಅಂತ್ಯ ಅಥವಾ ಅಕ್ಟೋಬರ್ ಮೊದಲ ವಾರದಲ್ಲಿ ಪ್ರಾರಂಭವಾಗಲಿದೆ. ಆಕ್ಷನ್ ಸನ್ನಿವೇಶಗಳೊಂದಿಗೆ ಚಿತ್ರೀಕರಣ ಪ್ರಾರಂಭವಾಗಲಿದೆ ಎಂದು ಸೂರಿ ಹೇಳಿದ್ದಾರೆ.

ಚಿತ್ರತಂಡ ಇದೀಗ ಶೂಟಿಂಗ್ ಗಾಗಿ ಸ್ಥಳಗಳನ್ನು ಅಂತಿಮಗೊಳಿಸುತ್ತಿದೆ ಮತ್ತು ಸ್ಟಂಟ್ ನಿರ್ದೇಶಕರನ್ನು ಹುಡುಕುತ್ತಿದೆ. “ಇದು ನಟನಿಗೆ ಕಠಿಣ ಕೆಲಸವಾಗಿರುವುದಿಲ್ಲ. ಅಭಿಷೇಕ್ ಅವರು ಕಥೆಯನ್ನು ಕೇಳಿದ ಮತ್ತು ಇಷ್ಟಪಟ್ಟ ದಿನದಿಂದಲೇ ಪಾತ್ರವನ್ನು ನಿರ್ವಹಿಸಲು ಒಪ್ಪಿಕೊಂಡಿದ್ದಾರೆ ಎಂದು “ಸೂರಿ ಹೇಳುತ್ತಾರೆ.

ಏತನ್ಮಧ್ಯೆ, ಚಿತ್ರತಂಡವು ಉಳಿದ ಪಾತ್ರ ವರ್ಗ ಬಗೆಗೆ ಗಮನ ಹರಿಸುತ್ತಿದೆ. ವಿವಿಧ ನಟರೊಂದಿಗೆ ಮಾತುಕತೆ ನಡೆಯುತ್ತಿದೆ. `ಬ್ಯಾಡ್ ಮ್ಯಾನರ್ಸ್’ನ ಫಸ್ಟ್‍ಲುಕ್ ಅನ್ನು ಮೇ 29 ರಂದು ಅಂಬರೀಶ್ ಅವರ ಜನ್ಮ ದಿನಾಚರಣೆಯಂದು ಬಿಡುಗಡೆ ಮಾಡಲಾಗಿತ್ತು. ಅದು ಸಾಕಷ್ಟು ಹವಾ ಸೃಷ್ಟಿಸಿತ್ತು. ಆದರೆ ಇದು ಆಕ್ಷನ್ ಡ್ರಾಮಾ ಎಂದರಲ್ಲದೆ ಹೆಚ್ಚಿನ ವಿವರ ನೀಡಲು ಸೂರಿ ನಿರಾಕರಿಸಿದರು.

ಸುಧೀರ್ ಕೆ.ಎಂ ನಿರ್ಮಿಸಿದ ಚಿತ್ರದಲ್ಲಿ ಸುರೇಂದ್ರ ನಾಥ್ ಮತ್ತು ಅಮ್ರಿ ನಿರ್ದೇಶಕರೊಂದಿಗೆ ಜತೆಯಾಗಿದ್ದಾರೆ. ಚರಣ್ ರಾಜ್ ಸಂಗೀತ, ಶೇಖರ್ ಎಸ್ (ಡಿಎಫ್‍ಡಿ) ಛಾಯಾಗ್ರಹಣ ಚಿತ್ರಕ್ಕಿದೆ. ದೀಪು ಎಸ್.ಕುಮಾರ್ ಸಂಕಲನಕಾರರಾಗಿದ್ದು, `ಬ್ಯಾಡ್ ಮ್ಯಾನರ್ಸ್’ನಲ್ಲಿ ರಾಜಕೃಷ್ಣನ್ ಹ್ಯಾಂಡಲ್ ಸೌಂಡ್ ಎಂಜಿನಿಯರಿಂಗ್ ಮತ್ತು ಕಲಾ ವಿಭಾಗದ ಉಸ್ತುವಾರಿಯಾಗಿ ಸುರೇಶ್ ಭಾಗನವರ್ ಇದ್ದಾರೆ. ಚಿತ್ರವು ಅಮರ್ ನಂತರ ಅಭಿಷೇಕ್ ಅವರ ಎರಡನೇ ಸಿನಿಮಾ ಆಗಿದೆ.