ಮೈಸೂರು,ಅ.27(ಎಸ್ಬಿಡಿ)- ಮೈಸೂರು ಜಿಲ್ಲೆಯಲ್ಲಿ ಕೊರೊನಾ ಅಬ್ಬರ ದಿನದಿಂದ ದಿನಕ್ಕೆ ಕಡಿಮೆಯಾಗುತ್ತಿದ್ದು, ಮಂಗಳವಾರ 188 ಜನರಿಗೆ ಸೋಂಕು ದೃಢಪಟ್ಟಿದೆ. ಇದರೊಂದಿಗೆ ಜಿಲ್ಲೆಯಲ್ಲಿ ಒಟ್ಟು ಸೋಂಕು ಬಾಧಿತರ ಸಂಖ್ಯೆ 47,0 32ಕ್ಕೇರಿದೆ. ಮಂಗಳವಾರ ಡಿಸ್ಚಾರ್ಜ್ ಆದ 288 ಮಂದಿ ಸೇರಿದಂತೆ ಈವರೆಗೆ ಒಟ್ಟು 44,026 ಸೋಂಕಿತರು ಗುಣ ಮುಖರಾದಂತಾಗಿದೆ. ಚಿಕಿತ್ಸೆ ಫಲಕಾರಿ ಯಾಗದೆ ಸೋಂಕಿತರಿಬ್ಬರು ಮೃತಪಟ್ಟಿದ್ದು, ಒಟ್ಟು ಸಾವಿನ ಸಂಖ್ಯೆ 951ಕ್ಕೆ ಹೆಚ್ಚಿದೆ. ಇನ್ನು 2,055 ಸಕ್ರಿಯ ಪ್ರಕರಣಗಳಲ್ಲಿ 990 ಮಂದಿ ಹೋಂ ಐಸೊಲೇಷನ್ನಲ್ಲಿದ್ದು, ಉಳಿದಂತೆ ಸರ್ಕಾರಿ
ಆಸ್ಪತ್ರೆ ಹಾಗೂ ನಿಗಾ ಕೇಂದ್ರಗಳಲ್ಲಿ 374 ಹಾಗೂ ಖಾಸಗಿ ವ್ಯವಸ್ಥೆಯಡಿ 691 ಸೋಂಕಿತರು ಶುಶ್ರೂಷೆ ಪಡೆಯುತ್ತಿದ್ದಾರೆ. ರಾಜ್ಯದ ವಿವರ: ಬಾಗಲಕೋಟೆ 34, ಬಳ್ಳಾರಿ 64, ಬೆಳಗಾವಿ 50, ಬೆಂಗಳೂರು ಗ್ರಾಮಾಂತರ 93, ಬೆಂಗಳೂರು ನಗರ 1,874, ಬೀದರ್ 13, ಚಾಮರಾಜನಗರ 34, ಚಿಕ್ಕಬಳ್ಳಾಪುರ 73, ಚಿಕ್ಕಮಗಳೂರು 57, ಚಿತ್ರದುರ್ಗ 70, ದಕ್ಷಿಣಕನ್ನಡ 122, ದಾವಣಗೆರೆ 36, ಧಾರವಾಡ 45, ಗದಗ 15, ಹಾಸನ 114, ಹಾವೇರಿ 19, ಕಲಬುರಗಿ 31, ಕೊಡಗು 43, ಕೋಲಾರ 16, ಕೊಪ್ಪಳ 22, ಮಂಡ್ಯ 123, ಮೈಸೂರು 188, ರಾಯಚೂರು 22, ರಾಮನಗರ 27, ಶಿವಮೊಗ್ಗ 103, ತುಮಕೂರು 92, ಉಡುಪಿ 86, ಉತ್ತರಕನ್ನಡ 78, ವಿಜಯಪುರ 128 ಹಾಗೂ ಯಾದಗಿರಿ ಜಿಲ್ಲೆಯಲ್ಲಿ 19 ಸೇರಿದಂತೆ ರಾಜ್ಯದಲ್ಲಿಂದು 3,691 ಪ್ರಕರಣ ವರದಿಯಾಗಿವೆ. ಇದರೊಂದಿಗೆ ರಾಜ್ಯದಲ್ಲಿ ಒಟ್ಟು ಸೋಂಕು ಬಾಧಿತರ ಸಂಖ್ಯೆ 8,09,638ಕ್ಕೆ ಏರಿಕೆಯಾಗಿದೆ. ಮಂಗಳವಾರ 7,740 ಮಂದಿ ಡಿಸ್ಚಾರ್ಜ್ ಆಗಿದ್ದು, ಈವರೆಗೆ ಒಟ್ಟು 7,27,298 ಸೋಂಕಿತರು ಗುಣಮುಖ ರಾದಂತಾಗಿದೆ. ಚಿಕಿತ್ಸೆ ಫಲಿಸದೆ ಮತ್ತೆ 44 ಸೋಂಕಿತರು ಮೃತಪಟ್ಟಿದ್ದು, ಒಟ್ಟು ಸಾವಿನ ಸಂಖ್ಯೆ 10,991ಕ್ಕೆ ಹೆಚ್ಚಿದೆ. ಇನ್ನು 71,330 ಸಕ್ರಿಯ ಪ್ರಕರಣಗಳಿವೆ.