ಚೆನ್ನೈನಲ್ಲಿ ನಡೆದಾಡುವ ದೇವರಿಗೆ ಚಿಕಿತ್ಸೆ
ಮೈಸೂರು

ಚೆನ್ನೈನಲ್ಲಿ ನಡೆದಾಡುವ ದೇವರಿಗೆ ಚಿಕಿತ್ಸೆ

December 8, 2018

ಚೆನ್ನೈ: ಉನ್ನತಮಟ್ಟದ ಚಿಕಿತ್ಸೆಗೆ ಚೆನ್ನೈಗೆ ಕರೆದೊಯ್ಯಲಾಗಿರುವ ಶತಾಯುಷಿ ಸಿದ್ದಗಂಗಾ ಶ್ರೀ ಅವರ ಚಿಕಿತ್ಸೆಯ ಕುರಿತಂತೆ ಅಲ್ಲಿನ ರೀಲಾ ಆಸ್ಪತ್ರೆ ಹೆಲ್ತ್ ಬುಲೆಟಿನ್ ಬಿಡುಗಡೆ ಮಾಡಿದೆ.

ಇಂದು ಸಂಜೆ ಬಿಡುಗಡೆ ಮಾಡಿರುವ ಬುಲೆಟಿನ್‍ನಲ್ಲಿ, ಸ್ವಾಮೀಜಿ ಲಿವರ್ ಸಂಬಂಧಿತ ಸೋಂಕಿನಿಂದ ಬಳಲುತ್ತಿದ್ದು, ಎಂಡೋಸ್ಕೋಪಿ ನಡೆಸಲಾಗುವುದು ಎಂದು ತಿಳಿಸಲಾಗಿದೆ.

ಸದ್ಯ ಸ್ವಾಮೀಜಿ ಅವರ ಆರೋಗ್ಯದ ಮೇಲೆ ನಿಗಾವಹಿಸಿದ್ದು, ಉಳಿದ ಚಿಕಿತ್ಸೆ ಅಗತ್ಯವಿದ್ದಲ್ಲಿ ನೀಡಲಾಗುವುದು ಎಂದು ತಿಳಿಸಲಾಗಿದೆ.

ಹೆಚ್ಚಿನ ಚಿಕಿತ್ಸೆ ಗಾಗಿ ಇಂದು ಮಧ್ಯಾಹ್ನ ಶ್ರೀಗಳನ್ನು ಬೆಂಗಳೂರಿನಿಂದ ಏರ್ ಆಂಬುಲೆನ್ಸ್ ನಲ್ಲಿ ಚೆನ್ನೈಗೆ ಕರೆ ದೊಯ್ಯಲಾಗಿತ್ತು. ಅಚ್ಚರಿ ಸಂಗತಿ ಎಂದರೆ ಶ್ರೀಗಳು ಇಂದು ರಾತ್ರಿ ಆಸ್ಪತ್ರೆಯಲ್ಲೇ ಶಿವ ಪೂಜೆ ಸಲ್ಲಿಸಿದರು.

Translate »