ಶ್ರೀರಂಗಪಟ್ಟಣ:  ಶ್ರೀರಂಗ ಪಟ್ಟಣದ ಹೊರವಲಯದಲ್ಲಿರುವ ಗಂಜಾಂನ ಪ್ರಸಿದ್ಧ ನಿಮಿಷಾಂಬ ದೇವಾ ಲಯದ ಹುಂಡಿ ಎಣಿಕೆ ಕಾರ್ಯ ಗುರುವಾರ ನಡೆಸಲಾಯಿತು.

ದೇವಾಲಯದಲ್ಲಿನ ಒಟ್ಟು 18 ಹುಂಡಿ ಗಳನ್ನು ತೆರೆದು ಎಸ್‍ಬಿಐ ಬ್ಯಾಂಕ್ ಸಿಬ್ಬಂದಿ ಗಳು, ದೇವಾಲಯದ ಆಡಳಿತ ಮಂಡಳಿ ಸಿಬ್ಬಂದಿಗಳು ಹಾಗೂ ವಿವಿಧ ಸ್ತ್ರೀಶಕ್ತಿ ಸ್ವಸಹಾಯ ಗುಂಪುಗಳ ಕಾರ್ಯಕರ್ತರು ಹಣ ಎಣಿಕೆ ನಡೆಸಿದರು.

ಹುಂಡಿಗಳಲ್ಲಿ ಸಂಗ್ರಹಿಸಲ್ಪಟ್ಟ ಒಟ್ಟು 35.57.804 ಲಕ್ಷ ರೂ., 5 ಅರಬ್ ದೇಶದ ದೀಯರಮ್ಸ್ ನೋಟು, 93.600 ಮಿಲಿ ಗ್ರಾಂ ಚಿನ್ನ ಹಾಗೂ 248 ಗ್ರಾಂ ಬೆಳ್ಳಿಯನ್ನು ಭಕ್ತರು ದೇವಿಯ ಹುಂಡಿಗೆ ಅರ್ಪಿಸಿದ್ದಾರೆ.

ಹಿಂದೆ ಅಮಾನ್ಯಗೊಂಡಿರುವ 1000 ಮುಖಬೆಲೆಯ 2 ನೋಟು, 500 ಮುಖಬೆಲೆಯ 6 ನೋಟುಗಳನ್ನು ಭಕ್ತರು ಹಾಕಿದ್ದು, ಎಣಿಕೆ ವೇಳೆ ಪತ್ತೆಯಾಗಿದೆ. ದೇವಾಲಯದ ಹುಂಡಿಗಳನ್ನು 3 ತಿಂಗಳ ಹಿಂದೆ ಎಣಿಕೆ ಕಾರ್ಯ ನಡೆಸಲಾಗಿತ್ತು ಎಂದು ಈ ವೇಳೆ ದೇವಾಲಯದ ಪ್ರಧಾನ ಅರ್ಚಕ ಸೂರ್ಯನಾರಾಯಣ ಭಟ್ ತಿಳಿಸಿದ್ದಾರೆ.